ကျောင်းအကြောင်း

အမျိူးသားစီမံခန့်ခွဲမှုပညာဒီဂရီကောလိပ်

ကျောင်းအုပ်ဆရာမကြီး၏ မိန့်ခွန်း

အမျိူးသားစီမံခန့်ခွဲမှုပညာဒီဂရီကောလိပ်သည် ပညာရေးဝန်ကြီးဌာနလက်အောက်ရှိ အဆင့်မြင့်ပညာကဏ္ဍဆိုင်ရာ ဒီဂရီကောလိပ်တစ်ခုဖြစ်ပြီး ရန်ကုန်မြို့၏ သွားလာရေးလွယ်ကူချောမွေ့ အချက်အခြာကျသော ဗိုလ်တထောင်မြို့နယ် ကုန်သည်လမ်းမကြီးပေါ်တွင် တည်ရှိပါသည်။ နိုင်ငံတော်အတွက် လိုအပ်နေသော လူ့စွမ်းအားအရင်းအမြစ်များကို မွေးထုတ်ပေးလျက်ရှိပြီး အစိုးရဌာနဆိုင်ရာများနှင့် ပုဂ္ဂလိကလုပ်ငန်းများတွင် တာဝန်ထမ်းဆောင်လျက်ရှိသော ဝန်ထမ်းကောင်းများစွာကို မွေးထုတ်ပေးနေသော ကျောင်းတော်တစ်ခုဖြစ်ပါသည်။ အမျိူးသားစီမံခန့်ခွဲမှုပညာဒီဂရီ ကောလိပ်မှ ဖွင့်လှစ်ပို့ချလျက်ရှိသော အထူးပြုဘာသာရပ် (၄)ခုရှိပါသည်။ ၎င်းတို့မှာ စီးပွားရေးနှင့် စီးပွားရေးလုပ်ငန်းစီမံခန့်ခွဲမှုဘာသာရပ် (BBM) ၊ လုပ်ငန်းခွင်သုံး အင်္ဂလိပ်စာဘာသာရပ် (EPP) ၊ ခရီးသွားလုပ်ငန်းနှင့်ဧည့်ဝန်ဆောင်မှုစီမံခန့်ခွဲမှုဘာသာရပ် (BTHM) နှင့် သတင်းအတတ်ပညာဘာသာရပ် (Journalism) တို့ဖြစ်ပါသည်။ တက္ကသိုလ်ဝင်တန်းတွင် ထူးချွန်စွာအောင်မြင်ခဲ့ပြီး သက်ဆိုင်ရာဘာသာရပ်များတွင် စိတ်အားထက်သန်စွာ လေ့လာသင်ယူမည့် ကျောင်းသားကျောင်းသူများကို အမျိူးသားစီမံခန့်ခွဲမှုပညာဒီဂရီ ကောလိပ် မှ နွေးထွေးစွာ ဖိတ်ခေါ်ကြိုဆိုလျက်ရှိပါသည်။

အမျိူးသားစီမံခန့်ခွဲမှုပညာဒီဂရီကောလိပ်သည် ထူးခြားမြင်သာသော ဝိသေသ လက္ခဏာများနှင့် ရပ်တည်လျက်ရှိသော ကျောင်းတော်တစ်ခုဖြစ်ပြီး ဉာဏ်ရည်ထူးချွန် ထက်မြက်သော ကျောင်းသားကျောင်းသူများကို ပညာရပ်ဆိုင်ရာဗဟုသုတများသာမက လူမှုရေးဆိုင်ရာ အရည်အသွေးများကိုပါ လေ့ကျင့်သင်ကြားပေးပြီး၊ စိန်ခေါ်မှုများသော လုပ်ငန်းနယ်ပယ်တွင် ခိုင်မာသော ရပ်တည်ချက်၊ စွဲမြဲသောဇွဲ့လုံ့လတို့ဖြင့် မဆုတ်မနစ် ကြိုးစားရပ်တည်လိုစိတ်ရှိအောင် အောင်မြင်မှုအခွင့်အလမ်းများဆီသို့ တက်လှမ်းရယူနိုင် သော အရည်အချင်းများကို ပြုစုပျိုးထောင်ပေးလျက်ရှိပါသည်။

ကျောင်းတွင်းလှုပ်ရှားမှုများတွင် ကျောင်းသားကျောင်းသူများအား ကိုယ်တိုင်ပါဝင် ဆောင်ရွက်ခွင့်၊ စီမံဆုံးဖြတ်ခွင့်များပေးကာ လုပ်ငန်းခွင်ရှေ့ပြေးအတွေ့အကြုံများရရှိအောင် ပြင်ပလုပ်ငန်းများ၊ တခြားတက္ကသိုလ်များနှင့် ချိတ်ဆက်ဆောင်ရွက်ပြီး အတွေ့အကြုံဗဟုသုတများ၊ လူမှုဆက်ဆံရေး အရည်အသွေးများကို ဖန်တီးဖော်ဆောင်ပေးလျက်ရှိပါသည်။ ဘွဲ့ရ ကျောင်းသားကျောင်းသူများအတွက် အလုပ်အကိုင်အခွင့်အလမ်းများနှင့် ပညာသင်ယူနေဆဲ ကျောင်းသားကျောင်းသူများအတွက် လုပ်ငန်းခွင်လက်တွေ့လေ့လာရေးတွင် အဆင်ပြေ ချောမွေ့စေရန် ကျောင်းတွင်းလှုပ်ရှားမှု တစ်ခုဖြစ်သည့် အလုပ်အကိုင်ပြပွဲ (Job Fair) ကို တစ်နှစ်တစ်ကြိမ် စီစဉ်ကျင်းပပေးခြင်းမှာလည်း အမျိူးသားစီမံခန့်ခွဲမှုပညာဒီဂရီ ကောလိပ်၏ ထူးခြားသောဆောင်ရွက်ချက်တစ်ခုဖြစ်ပါသည်။

သင်ကြားရေးနည်းစနစ်တွင်လည်း စာသင်ခန်းအတွင်းသင်ကြားသော သင်ခန်းစာ များ၊ သီအိုရီများအပြင် လက်တွေ့နားလည်တတ်ကျွမ်းမှုကို အထောက်အပံ့ပေးနိုင်မည့် လက်ရှိလုပ်ငန်းနယ်ပယ်များတွင် ဖြစ်ပေါ်နေသောပြဿနာရပ်များအား လေ့လာသုံးသပ်ခြင်း (Case Study) ၊ ဟောပြောဆွေးနွေးခြင်းဆိုင်ရာစွမ်းရည် (Presentation Skills)၊ သင်ရိုးညွှန်းတမ်းအလိုက် သက်ဆိုင်ရာ စာတမ်းများတင်သွင်းခြင်း (Assignment Papers) တို့ကို ဆောင်ရွက်လျက်ရှိပါသည်။ စာသင်ခန်းပြင်ပ သင်ကြားရေးအနေဖြင့် ပြင်ပလုပ်ငန်းခွင်မှ သက်ဆိုင်ရာပညာရှင် များအား ဖိတ်ကြားကာ ဟောပြောပွဲများ၊ အလုပ်ရုံဆွေးနွေးပွဲများပြုလုပ်ပေးပြီး ဗဟုသုတ နယ်ပယ်ကျယ်ပြန့်အောင် ဆောင်ရွက်ပေး လျက်ရှိပါသည်။

ကျောင်းသားကျောင်းသူများ၏ သင်ယူလေ့လာမှုကို စိစစ်အကဲဖြတ်ရာတွင်လည်း စာမေးပွဲရလဒ်သာမက ကျောင်းသင်ခန်းစာပြင်ပ လှုပ်ရှားဆောင်ရွက်မှုများ၊ သင်ကြားရေး တွင် ပါဝင်ဆွေးနွေးမှုများ၊ တစ်ဦးချင်းနှင့်အဖွဲ့အလိုက် စာတမ်းတင်သွင်းမှု၊ ဆွေးနွေး တင်ပြမှုများကို အခြေခံကာ တိကျသေချာပြီး အရည်အသွေးကိုအခြေခံကာ စိစစ်အကဲဖြတ် သောစနစ်ကို အသုံးပြုလျက်ရှိပါသည်။ ထိုသို့ဆောင်ရွက်ခြင်းဖြင့် ရေရှည်အကျိုး ဖြစ်ထွန်းစေမည့် သင်ကြားရေးသင်ယူရေးစနစ်သို့ ဦးတည်ကာ အကောင်အထည်ဖော် ဆောင်ရွက်လျက်ရှိပါသည်။

ဆရာ/ဆရာမများ၏ သင်ကြားရေးကို အကဲဖြတ်ရာတွင်လည်း အထက်-အောက်-အချင်းချင်း အကဲဖြတ်စနစ် (360 Degree Appraisal System) ကို ကျင့်သုံး ဆောင်ရွက်ခြင်း၊ စာပေသင်ကြားရေးသာမက အခြားလူမှုရေးလှုပ်ရှားမှုများဖြစ်သည့် အင်္ဂလိပ်စာစွမ်းရည်ပြိုင်ပွဲများ၊ ဂီတ၊ အားကစား၊ ကင်းထောက်၊ ကြက်ခြေနီနှင့် ဘာသာစကားဆိုင်ရာအသင်းအဖွဲ့များကိုလည်း အားပေးလှုံ့ဆော်၍ ကျောင်းသားကျောင်းသူ တစ်ဦးတစ်ယောက်ချင်းစီ၏ ကိုယ်ရည်ကိုယ်သွေးများ အလားအလာများကို ပြုစုပျိုးထောင် ဖန်တီးဖော်ဆောင်ပေးလျက်ရှိပါသည်။

အမျိူးသားစီမံခန့်ခွဲမှုပညာဒီဂရီကောလိပ်၏ ကျောင်းအုပ်တစ်ဦးအနေဖြင့်လည်း မြန်မာနိုင်ငံ၏ အဆင့်မြင့်ပညာကဏ္ဍတွင် ခေတ်နှင့်လျော်ညီသော သင်ရိုးညွှန်းတမ်း သင်ရိုးမာတိကာများဖြင့် စနစ်တကျပြဌာန်းထားသော ဘာသာရပ်များကို သင်ကြားပို့ချ ပေးနေသော ကျောင်းတစ်ခုအဖြစ်သို့ အဆင့်မြှင့်တင်ခြင်းကဏ္ဍတွင် တာဝန်ယူဆောင်ရွက် ရခြင်းအတွက် များစွာဂုဏ်ယူဝမ်းမြောက်မိပါသည်။ အနာဂတ်တွင် ကမ္ဘာ့ပညာရေး နယ်ပယ်နှင့် ရင်ဘောင်တန်းရပ်တည်နိုင်သော အရည်အသွေးအာမခံချက် အပြည့်အဝရှိပြီး စဉ်ဆက်မပြတ် ဖွံ့ဖြိုးတိုးတက်မှုကိုဦးတည်နေသော အဆင့်မြင့်ပညာကဏ္ဍကို ထိရောက် သောစီမံခန့်ခွဲမှု မဟာဗျူဟာများနှင့် ဆက်လက်အကောင်အထည်ဖော် ဆောင်ရွက်သွားရန် အမျိူးသားစီမံခန့်ခွဲမှုပညာဒီဂရီကောလိပ်မှ ရည်သန်ကြိုးပမ်းလျက် ရှိပါကြောင်း သတင်းကောင်းပါးအပ်ပါသည်။

"Education is the most important thing you have in Career!"

Contact us now to make more and more