သတင်းအတတ်ပညာဌာန

မျှော်မှန်းချက်

  • အရည်အချင်း ပြည့်ဝသော မီဒီယာသမားကောင်းများဖြစ်လာစေရန် ကျောင်းသား၊ကျောင်းသူများအတွက် အကောင်းဆုံးပညာရေးဖြင့်ပံ့ပိုးပေးရန်။
  • မြန်မာ့မီဒီယာလုပ်ငန်း၏လိုအပ်ချက်ကို ဖြည့်ဆည့်ပေးနိုင်သော ပညာရေးအဖွဲ့အစည်းအဖြစ် တည်ထောင်ရန်။
  • ကျင့်ဝတ်နှင့်အညီ တာဝန်ယူမှုရှိသော မီဒီယာသမားကောင်းများ စဉ်ဆက်မပြတ် မွေးထုတ်ပေးခြင်းဖြင့် စတုတ္ထမဏ္ဍိုင် ပိုမိုအားကောင်းလာစေရေးအတွက် ပံ့ပိုးပေးရန်။

ရည်မှန်းချက်

  • အရည်အသွေးပြည့်ဝသော မီဒီယာသမားဖြစ်ဖို့သတင်းအတတ်ပညာ သင်ကြစို့
  • သတင်းအတတ်ပညာကို အရည်အသွေးပြည့်ဝအောင်သင်ကြားပေးနိုင်သော  ပညာရေးအဖွဲ့အစည်းအဖြစ်ရပ်တည်ရန် ။
  • အားလုံးပါဝင်နိုင်သော သတင်းမီဒီယာပညာရေးကိုဖော်ဆောင်ပေးရန်။

သမိုင်းကြောင်း

  • အမျိုးသားစီမံခန့်ခွဲမှုပညာဒီဂရီကောလိပ်ရှိ သတင်းအတတ်ပညာဌာနသည် သတင်း အတတ်ပညာအထူးပြုဘာသာရပ်အတွက် ကျောင်းသားကျောင်းသူများကို ဝိဇ္ဇာဘွဲ့ဒီဂရီ ပေးအပ်ပါသည်။ ၎င်းသည် မြန်မာနိုင်ငံတွင် မီဒီယာဘွဲ့ဒီဂရီနှင့်ပတ်သတ်၍ ပေးအပ်နေသော တစ်ခုတည်းသောကျောင်းလည်းဖြစ်သည်။ ထိုသင်တန်းသည် လေးနှစ် စာတွေ့၊ သုံးလလက်တွေ့ သင်တန်းဖြစ်ပါသည်။သတင်းအတတ်ပညာဌာနသည် မီဒီယာ လုပ်ငန်းများနှင့်  ချိတ်ဆက်ဆောင်ရွက်လျက်ရှိသော ဌာနလည်းဖြစ်သည်။ သတင်းအတတ် ပညာဘာသာရပ်အထူးပြုမေဂျာကို ၂၀ဝ၇-၂၀ဝ၈ ပညာသင်နှစ် တွင်ပညာရေးဝန်ကြီးဌာနမှ စတင်ဖွင့်လှစ်ခဲ့ပါသည်။ ရှေးဦးစွာပညာရေးဝန်ကြီး ဌာနသည် ပြန်ကြားရေးဝန်ကြီးဌာနနှင့် ပူးပေါင်းဖွင့်လှစ်သင်ကြားခဲ့ပြီး သင်ကြားရေးဆိုင်ရာ အထောက်အကူများကို ပြန်ကြားရေး ဝန်ကြီးဌာနမှ အပြည့်အဝပံ့ပိုးပေးခဲ့သည်။ ထိုအချိန်တွင် သင်တန်းကာလမှာစာတွေ့ ၃နှစ် နှင့် လက်တွေ့ကွင်းဆင်း ၆လဖြစ်ပါသည်။သတင်းအတတ်ပညာ ဝိဇ္ဇာဘွဲ့သင်ရိုး ညွှန်တမ်း  အသစ်ကို ၂၀၁၃ခုနှစ်ဇွန်လတွင် ရေးဆွဲခဲ့ပြီး ယခင် သတင်းညွှန်တမ်းအဟောင်း နှင့် အစားထိုးလဲလှယ်ခဲ့သည်။ သတင်းအတတ်ပညာဌာန၏ဝိဇ္ဇာဘွဲ့သင်ရိုးမာတိကာ ကို ယူနက်စကိုနှင့်ပူးပေါင်း၍ အကောင်ထည်ဖော်ခဲ့သည်။ ထိုကြောင့် ၎င်းသင်ရိုးမာတိကာသည် လုပ်ရည်ကိုင်ရည် ကျွမ်းကျင်မှုကို အဓိကထား၍ရေးဆွဲခဲ့ပါသည်။ အရည်အသွေး ပြည့်ဝစွာဖြင့် သတင်းလုပ်ငန်းများတွင်ထိထိရောက်ရောက် ပါဝင်လုပ်ဆောင်နိုင်စေရန် လိုအပ်သော အသိပညာဗဟုသုတ၊ အရည်အချင်းများနှင့် ပြည့်စုံရန်အတွက် သင်ကြား ပေးလျက်ရှိပါသည်။ သတင်းမီဒီယာကဏ္ဍလုပ်ငန်းအတွက်လိုအပ်သော အရည်အချင်းများကို ပံ့ပိုးပေးလျက်ရှိသည်။ နောက်ထပ်အဓိကကျသောအချက်မှာ  ယူနက်စကိုမှချမှတ်ထားသော ပညာရေးစံချိန်စံညွှန်းများနှင့်ကိုက်ညီပြီး အိမ်နီးချင်း အာဆီယံနိုင်ငံများတွင် သင်ကြား ပေးလျက်ရှိသော သင်ရိုးညွှန်းတမ်း များနှင့်အညီစံထားပြီး သင်ကြားပေးလျက်ရှိပါသည်။ ရန်ကုန်တက္ကသိုလ်၊ သမိုင်းဌာန၊ ပါမောက္ခ(ဌာနမှူး) ဒေါက်တာမာဂရက်ဝေါင်းသည် သတင်းအတတ်ပညာဌာန၏ ပထမဆုံး တာဝန်ခံဌာနမှူး အဖြစ် ၂၀၁၀ခုနှစ်မှ၂၀၁၅ ခုနှစ်အထိ တာဝန်ယူဆောင်ရွက်ပေးခဲ့ပါသည်။ တွဲဖက်ပါမောက္ခ၊ ဒေါက်တာဇင်မာကျော် သည် ၂၀၁၆ခုနှစ် မှယနေ့အထိ ဆက်လက်၍တာဝန်ယူဆောင်ရွက်လျက်ရှိပါသည်။
ဒေါက်တာဇင်မာကျော်
ပါမောက္ခ(ဌာနမှူး)
ဒေါက်တာမိုးမိုးအေး
တွဲဖက်ပါမောက္ခ
ဒေါက်တာချိုချိုသွင်
တွဲဖက်ပါမောက္ခ
ဒေါ်ဆုသီရီဇော်
လက်ထောက်ကထိက
ဒေါ်စုမြတ်နိုင်
လက်ထောက်ကထိက
ဒေါ်နန်းပြည့်ဖြိုးကျော်
လက်ထောက်ကထိက
ဒေါ်စုမွန်လတ်
လက်ထောက်ကထိက
ဒေါ်ချိုရည်မွန်ထွန်း
နည်းပြ
ဒေါ်ပန်းအိအိဖြူ
နည်းပြ