မြန်မာစာဌာန

  • မြန်မာစာဌာန

မြန်မာစာဌာနသမိုင်းအကျဉ်း

  • NMDC(ယခင် NMC)ကို ၂၀၀၄ ခုနှစ်တွင် စတင်ဖွင့်လှစ်ခဲ့ရာ မြန်မာစာဌာနသည်လည်း ဌာနခွဲ တစ်ခုအဖြစ် ရပ်တည်ခဲ့ပါသည်။ မြန်မာစာဌာနသည် NMDC ၏ အဓိကဘာသာရပ်(၄)ခုကို အထောက် အကူဖြစ်စေရန် ပံ့ပိုးပေးသော ဌာနတစ်ခုလည်း ဖြစ်ပါသည်။ မေဂျာဘာသာရပ်ကြီး လေးခုတွင် ပထမနှစ် သင်တန်းကိုသာ ပို့ချသော ဌာနဖြစ်သည်။ ပင်ရင်းမြန်မာစာနှင့် မြန်မာ့ရေးရာဘာသာရပ်များကို ပို့ချပေးခဲ့ ပါသည်။
  •  မြန်မာစာပေသင်ကြားမှုကတစ်ဆင့် မြန်မာ့ယဉ်ကျေးမှုကို ထိန်းသိမ်းနိုင်ရေး၊ သဘာဝပတ်ဝန်းကျင်ကို မြတ်နိုးတန်ဖိုးထားတတ်စေရေး၊ တိုင်းချစ်ပြည်ချစ်စိတ်၊ ဇာတိမာန်စိတ်၊ နိုင်ငံသားကောင်းစိတ်တို့ကို ရရှိစေရန်၊ မြန်မာဘာသာစကားသင်ကြားမှုကတစ်ဆင့် ဘာသာစကားစွမ်းရည် မြှင့်တင်ပေးနိုင်ရန်၊ မြန်မာ့ရေးရာ သင်ကြားမှုကတစ်ဆင့် ရှေးဟောင်းမြန်မာစာပေ၊ မြန်မာတိုင်းရင်းသားဘာသာစကားများနှင့် ဘာသာစကားတို့ ၏ သဘောသဘာဝလက္ခဏာများ၊ မြန်မာယဉ်ကျေးမှု ဓလေ့ထုံးတမ်းများ၊ မြန်မာ့ပညာရေး အစဉ်အလာများကို သိရှိနားလည်စေရန် ရည်ရွယ်၍ သင်ကြားပို့ချပေးခဲ့ပါသည်။
  • NMDC မြန်မာစာဌာနတွင် အစဉ်အဆက် တာဝန်ထမ်းဆောင်ခဲ့ကြသော ဌာနမှူးများမှာ ဒေါက်တာ တင်တင်စိန်(၂၀၀၄-၂၀၀၆)၊ ဒေါက်တာခင်ရီဝင်း(၂၀၀၆-၂၀၀၈)၊ ဒေါက်တာသွယ်သွယ်(၂၀၀၈-၂၀၁၀) ၊ ဒေါက်တာဇော်ဝင်း(၂၀၁၀-၂၀၁၂)၊ ဒေါ်ခင်အေးမြင့်(၂၀၁၂-၂၀၁၃)၊ ဒေါက်တာချောစုမာဝင်း(၂၀၁၃-၂၀၁၅)၊ ဒေါက်တာမြင့်မြင့်နိုင်(၂၀၁၅ – ယနေ့အထိ)တို့ ဖြစ်ကြပါသည်။

ရည်ရွယ်ချက်

  • မြန်မာစာပေသုတနှင့် ဘာသာစကားစွမ်းရည် မြှင့်တင်ပေးရေး။
  • သဘာဝပတ်ဝန်းကျင်နှင့် ရပ်ရွာဒေသတိုင်းပြည်ကို ချစ်မြတ်နိုးသောစိတ်၊ ဇာတိမာန်စိတ်၊ နိုင်ငံသား ကောင်းစိတ်၊ ယဉ်ကျေးမှုနှင့် ရှေးဟောင်းမြန်မာစာပေများကို ထိန်းသိမ်းတန်ဖိုးထားလိုစိတ်များကို သုတ၊ရသ စာပေများကတစ်ဆင့် မွေးမြူပေးရေး။
  • ဘွဲ့ရပြီးနောက် လုပ်ငန်းခွင်သုံးစာများ ပုံစံတကျရေးသားအသုံးချနိုင်ရန် လေ့ကျင့်ပံ့ပိုးပေးရေး။

ရည်မှန်းချက်

  • သုတနှင့် ရသစာများမှတစ်ဆင့် ယဉ်ကျေး၍ ပညာရည်မြင့်မားသော လူ့အဖွဲ့အစည်းကို ထူထောင် နိုင်မည်။

အဖွဲ့အစည်းဆိုင်ရာပညာရေးရည်မှန်းချက်များ

  • မိမိဘာသာရပ်အပြင် ဘက်စုံဖွံ့ဖြိုးထူးချွန်သော ကျောင်းသားများ မွေးထုတ်ပေးရေးဟူသည့် အမျိုးသားစီမံခန့်ခွဲမှုပညာ ဒီဂရီကောလိပ်၏ ပညာရေးပန်းတိုင်ကို မြန်မာစာဌာနက အထောက် အပံ့ပြုသည့်အနေဖြင့် စာပေသုတ၊ ဘာသာစကားစွမ်းရည်နှင့် ယဉ်ကျေးမှုအခြေခံကောင်းသော ဘွဲ့ရပညာတတ်များ ပျိုးထောင်နိုင်ရန်။

တန်ဖိုးများ

  • ဆရာ၏ အတွေးအခေါ်အယူအဆ လွှမ်းမိုးမှုမပါဘဲ ကျောင်းသား၏ လွတ်လပ်စွာ တွေးမြင်ယူဆ သုံးသပ်နိုင်စွမ်းရှိအောင် လမ်းဖွင့်ပေးခြင်း။
  •   ကျောင်းသားနှင့်ဆရာ ဆက်သွယ်ဆက်ဆံမှုများ၊ အကဲဖြတ်ချက်များတွင် ပွင့်လင်းမြင်သာမှုရှိခြင်း။
  •  မတူကွဲပြားသော ပတ်ဝန်းကျင်အသီးသီးမှလာကြသော မတူကွဲပြားသည့် ဓလေ့ထုံးစံ၊ အပြောအဆို၊ အတွေးအမြင်အသီးသီးရှိကြသော ကျောင်းသူကျောင်းသားများအကြား ကွဲပြားမှုကို လက်ခံနိုင်စွမ်း နှင့် အပြန်အလှန်တန်ဖိုးထား လေးစားနိုင်စွမ်းရှိစေခြင်း။
  •  ဆန်းသစ်ဖန်တီးနိုင်စွမ်း (အထူးသဖြင့် စာပေအရေးအသား ဆန်းသစ်ဖန်တီးနိုင်စွမ်း၊ ပြဋ္ဌာန်း စာအုပ်ကို ကျော်လွန်၍ မိမိတို့အတွေးအမြင်များကို ဖြန့်ကျက်၊ ဖောက်ထွက် တွေးတောကာ အသိအမြင်သစ်များ ဆန်သစ်ဖန်တီးနိုင်စွမ်း) ရှိစေခြင်း။
ဒေါက်တာမြင့်မြင့်နိုင်
B.A(Hons), M.A, Ph.D
တွဲဖက်ပါမောက္ခ၊ ဌာနမှူး
Dr. Tin Tin Moe
ဒေါက်တာတင်တင်မိုး
B.A(Q), M.A, M.Res, Ph.D
ကထိက
Dr. Ei Kay Thwe
ဒေါက်တာအိကေသွယ်
B.A(Hons), M.A, Ph.D
ကထိက
Dr Than Min Htike
ဒေါက်တာသန်းမင်းထိုက်
B.A(Hons), M.A, M.Res, Ph.D
လက်ထောက်ကထိက