လုပ်ငန်းခွင်သုံး အင်္ဂလိပ်စာ

မျှော်မှန်းချက်

               အစိုးရနှင့် ပုဂ္ဂလိကကဏ္ဍ တို့အတွက် အရည်အသွေးမြင့် အတတ်ပညာရှင်များ မွေးထုတ်ပေးရန်။

 

တာဝန်

  • စီးပွားရေးနှင့် စီမံခန့်ခွဲမှုနယ်ပယ်တွင် အင်္ဂလိပ်ဘာသာစကားကျွမ်းကျင်၍ အရည်အသွေး ပြည့်မီသော လူ့စွမ်းအားအရင်းအမြစ်များကို မွေးထုတ်ရန်။
  • ကျောင်းသားများ၏ လုပ်ငန်းအတတ်ပညာဆိုင်ရာ ဗဟုသုတတိုးပွားစေရန်။

 

နောက်ခံသမိုင်း

EPP Programme ကို  အမျိုးသားစီမံခန့်ခွဲမှုပညာဒီဂရီကောလိပ် တည်ထောင်သည့် ၂၀ဝ၄ ခုနှစ်မှစတင်ကာ စီးပွားရေးစီမံခန့်ခွဲမှုအစီအစဉ်နှင့်တွဲဖက်၍ စတင်ဖွင့်လှစ်ခဲ့ပါသည်။ EPP Programme  သည်  အမျိုးသားစီမံခန့်ခွဲမှုပညာဒီဂရီကောလိပ်၏ အဓိကသင်တန်းများတွင် တစ်ခုအပါအဝင်ဖြစ်သော်လည်း ဤသင်တန်းစတင်ဖွင့်လှစ်ခဲ့စဉ်ကတည်းက EPP အထူးပြု ကျောင်းသူ၊သားများသည် ရန်ကုန်တက္ကသိုလ်၊ အင်္ဂလိပ်စာဌာနတည်ရှိရာ အဆောင်များဖြစ်သော တောင်ငူဆောင်၊ မာလာဆောင်နှင့် ပင်လုံဆောင် တို့ကဲ့သို့သော ရန်ကုန်တက္ကသိုလ် ပရဝဏ်အတွင်းရှိ ကျောင်းဆောင်များတွင် တက်ရောက်ခဲ့ကြရပါသည်။ EPP  သင်တန်းတွင် သင်ကြားရသော အဓိကဘာသာရပ်များမှာ English Language Skills Modules (အင်္ဂလိပ်ဘာသာစကား စွမ်းရည်ဘာသာရပ်များ) နှင့် Economics Modules (စီးပွားရေးဘာသာရပ်များ) ဖြစ်ပါသည်။ EPP Programme သည် ရန်ကုန်တက္ကသိုလ်၊ အင်္ဂလိပ်စာဌာနနှင့် ပူးတွဲဖွင့်လှစ်ထားခြင်းဖြစ်သဖြင့် EPPအထူးပြုကျောင်းသားများသည် ရန်ကုန်တက္ကသိုလ်ပရဝဏ်တွင် သင်   တန်းတက်ရောက်ကြရပါသည်။

ပထမနှစ် EPP တွင် မြန်မာစာ၊  Introduction To Business နှင့် မြန်မာ့ရေးရာတို့သည် အခြေခံသင်ရိုးများဖြစ်ပါသည်။ အဓိကသင်ရိုးမှာ –

  1. Communicative Skills
  2. English For Business
  3. English Pronunciation for clear communication တို့ဖြစ်ကြပါသည်။

 

ဒုတိယနှစ် EPP တွင် အခြေခံသင်ရိုးများအဖြစ် မြန်မာစာ၊ စာရင်းအင်း နှင့် Accounting and Finance ပြဌာန်းထားပါသည်။ အဓိကသင်ရိုးများမှာ –

  1. Communicative Skills
  2. English for Business
  3. Presentation Skills and Public Speaking
  4. English in the Media တို့ဖြစ်ကြပါသည်။

 

တတိယနှစ် EPP တွင် အခြေခံသင်ရိုးများအဖြစ် Operations Management ၊ Marketing Management နှင့် Macroeconomic Environment များ ပြဌာန်းထားပါသည်။ အဓိကသင်ရိုးများမှာ –

  1. Communicative Skills
  2. English for Business
  3. English for Meetings and Negotiations
  4. Translation and Interpretation တို့ ဖြစ်ကြပါသည်။

 

စတုတ္ထနှစ် ပထမနှစ်ဝက်တွင် အခြေခံသင်ရိုးများအဖြစ် Financial Management နှင့် Business Law များ ပြဌာန်းထားပါသည်။ အဓိကသင်ရိုးများမှာ –

  1. Research Paper Writing
  2. Communicative Skills
  3. Englsih for Business
  4. Translation and Interpretation တို့ ဖြစ်ကြပါသည်။

 

စတုတ္ထနှစ် ဒုတိယနှစ်ဝက်တွင် အခြေခံသင်ရိုးများအဖြစ်International Business Management နှင့် Management Information System များ ပြဌာန်းထားပါသည်။ အဓိကသင်ရိုးများမှာ –

  1. Introduction to Pragmatics
  2. Communicative Skills
  3. English for Business
  4. Translation and Interpretation တို့ဖြစ်ကြပါသည်။

၂၀ဝ၇-ဝ၈ ပညာသင်နှစ်မှ စတင်ကာ EPP Programme မှ B.A (EPP) (ဝိဇ္ဇာဘွဲ့) ကို ပေးအပ်ခဲ့ရာ ၂၀၁၆-၂၀၁၇ ပညာသင်နှစ်ထိ (၁၄)ကြိမ်မြောက်ဘွဲ့ရများအပါအဝင် ဘွဲ့ရစုစုပေါင်း (၅၁၄)ဦးကို မွေးထုတ်ပေးနိုင်ခဲ့ပြီး ဖြစ်ပါသည်။