ကြေညာချက်များ

NMDC မှာအောင်မြင်စွာကျင်းပခဲ့တဲ့Open Campus: Your College, Your Future ပညာရေးဆိုင်ရာ အခမ်းအနား

၂၀၁၇-၂၀၁၈ ပညာသင်နှစ်အောင်မြင်ပြီးတဲ့ တက္ကသိုလ်ဝင်တန်းကျောင်းသားကျောင်းသူများအတွက် အမျိုးသားစီမံခန့်ခွဲမှုပညာကောလိပ် NMDC မှာ သြဂုတ်လ ၉ရက်နေ့က Open Campus 2018: Your College, Your Future ဆိုတဲ့ ပညာရေးဆိုင်ရာပွဲလေးကို ကျင်းပပြုလုပ်ခဲ့ပါတယ်။ အဆိုပါပွဲလေးကို NMDC မှာသင်ကြားနေတဲ့ဘာသာရပ်တွေနဲ့ပတ်သတ်ပြီး  စိတ်ဝင်စားသူပေါင်း ၇၀၀ကျော်တက်ရောက်ခဲ့ပါတယ်။

ဒီပွဲရဲ့ရည်ရွယ်ချက်ကတော့ ဆယ်တန်းအောင်မြင်ပြီးသူများအနာဂတ်ပညာရေးလမ်းကြောင်းကိုရွေးချယ်ရာမှာ

မိမိနဲ့ ကိုက်ညီတဲ့ဘာသာရပ်တွေ၊ မိမိအမှန်တကယ်စိတ်ဝင်စားတဲ့ဘာသာရပ်တွေကို မှန်မှန်ကန်ကန်ရွေးချယ်

နိုင်ဖို့အတွက်ကျင်းပခဲ့တာဖြစ်ပါတယ်။ ဒါ့အပြင် NMDC ကျောင်းနဲ့ပတ်သတ်ပြီး “ဘယ်လိုကျောင်းမျိုးလဲ။ ဘယ်လိုဘာသာရပ်တွေကို သင်ကြားနေတာလဲ။ သင်ရိုးညွှန်းတမ်းတွေဘယ်လိုရှိလဲ” ဆိုတာကို သက်ဆိုင်ရာဘာသာရပ်များမှလက်ရှိတက်ရောက်နေဆဲကျောင်းသား/သူများသာမက၊ ဘွဲ့ရကျောင်းသားဟောင်းများကပြည့်ပြည့်စုံစုံဆွေးနွေးပြောကြားခဲ့ပါတယ်။ NMDC ရဲ့ ကျောင်း Campus နဲ့ စာသင်ခန်းများကိုလည်း Volunteer ကျောင်းသား၊ကျောင်းသူများကလိုက်လံပြသပေးခဲ့ပါတယ်။ NMDC ကျောင်းမှာ Bachelor of Business Management ၊ Bachelor of Tourism and Hospitality Management ၊ Bachelor of Journalism နှင့် English for Professional Purpose စတဲ့ဘာသာရပ်တွေကို သင်ကြားလျက်ရှိပါတယ်။NMDCကျောင်းကို တက္ကသိုလ်ဝင်တန်းစာမေးပွဲ အမှတ်ပေါင်း ၄၃၀နှင့်အထက်ရရှိတဲ့ ကျောင်းသား၊ကျောင်းသူတွေလျှောက်ထားနိုင်ပါတယ်။၂၀၁၈-၂၀၁၉ပညာသင်နှစ်အတွက်ပထမနှစ်သင် တန်းဝင်ခွင့်လျှောက်လွှာများကို  အမျိုးသားစီမံခန့်ခွဲမှုပညာဒီဂရီကောလိပ်တွင် အောက်တိုဘာလ ၁ရက်မှ ၁၉ရက်အထိ  စတင်ထုတ်ပေးပြီး လက်ခံသွားမှာဖြစ်ပါတယ်။ ဝင်ခွင့်အောင်မြင်သူများကို နိုဝင်ဘာလ ၁၅ရက်နေ့တွင် ကြေညာသွားမှာဖြစ်ပါတယ်။  အသေးစိတ်အချက်အလက်များကို www.nmdc.edu.mm နှင့် National Management Degree College  Facebook Page တွင် ဝင်ရောက်ဖတ်ရှုနိုင်ပါတယ်။

Share this post