ကြေညာချက်များ

တတိယအကြိမ်မြောက် စုပေါင်း သွေးလှူဒါန်းပွဲ

၂၀၁၇-၂၀၁၈ ပညာသင်နှစ်၊ အမျိုးသားစီမံခန့်ခွဲမှုပညာဒီဂရီကောလိပ်တွင် ကြက်ခြေနီအသင်းက ကြီးမှုး၍ ဆရာ၊ ဆရာမများ၊ ကျောင်းသား၊ ကျောင်းသူများ နှင့် ဝန်ထမ်းများ၏ တတိယအကြိမ်မြောက် စုပေါင်း သွေးလှူဒါန်းပွဲ ဖွင့်ပွဲ အခမ်းအနားကို (၂၆-၁-၂၀၁၈)ရက်နေ့ နံနက် (၉း၃၀) နာရီတွင် ဗိုလ်တထောင်ဘုရားလမ်းရှိ လေးထပ်စာသင်ဆောင်ခန်းမတွင် အစီစဉ်(၅)ရပ်ဖြင့် ကျင်းပပြုလုပ် ခဲ့ပါသည်။

အခမ်းနားအစီစဉ်များအရ အခမ်းနား ဖွင့်လှစ်ကြောင်း ကြေညာပြီးနောက်၊ အမျိုးသားစီမံခန့်ခွဲမှုပညာ ဒီဂရီကောလိပ်၊ ကြက်ခြေနီအသင်းဥက္ကဋ္ဌ ဒေါက်တာကျော်မိုးမင်းက သွေးလှူဒါန်းပွဲ ဖြစ်မြောက်ပုံ အကြောင်း ရှင်းလင်းပြောကြားခဲ့ပါသည်။

ထို့နောက် ရန်ကုန်ပြည်သူ့ဆေးရုံကြီး၊ အမျိုးသားသွေးဌာန ဒေါက်တာထိန်ဝင်းက သွေးလှူရှင်များ အန္တရာယ်ကင်းစွာ သွေးလှူဒါန်းနိုင်ရန် အကျယ်တဝင့် အသိပညာပေးပြောကြားခဲ့ပါသည်။ ထိုမှ တဖန်

ရန်ကုန်ပြည်သူ့ဆေးရုံကြီး၊ အမျိုးသားသွေးဌာနမှ ဒုတိယညွှန်ကြားရေးမှုးချူပ် ဒေါက်တာသီတာအောင် က သွေးလှူဒါန်းခြင်းအကြောင်းနှင့် ဆောင်ရန်ရှောင်ရန်အချက်များကို  အသိပညာပေး ပြောကြား ခဲ့ပါသည်။

ဆရာ၊ဆရာမများ၊ ကျောင်းသား၊ ကျောင်းသူများနှင့် ဝန်ထမ်းများ၏ တတိယအကြိမ်မြောက် စုပေါင်းသွေးလှူဒါန်းပွဲ ဖွင့်ပွဲ အခမ်းအနား အောင်မြင်စွာ ပြီးမြောက်ပြီးနောက် ၊ မွန်မြတ်စေတနာရှင် ဆရာ၊ဆရာမများ၊ ကျောင်းသားကျောင်းသူများနှင့် ဝန်ထမ်းများမှ မွန်မြတ်သန့်စင်သောသွေးများကို ပျော်ရွှင်ဝမ်းမြောက်စွာ လှူဒါန်းခဲ့ကြပါသည်။

င်းစုပေါင်းသွေးလှူဒါန်းပွဲတွင် သွေးလှူမည့် အလှူရှင်စာရင်းမှာ (၂၀ဝ)ဦးရှိရာ ကျန်းမာရေး စစ်ဆေးမှုများအရအမှန်တကယ် သွေးလှူဒါန်းခွင့်ရရှိသူ သွေးလှူရှင် စုစုပေါင်း (၁၄၃)ဦးမှ စေတနာသဒ္ဒါတရားထက်သန်စွာဖြင့် သွေးလှူဒါန်းခဲ့ကြပါသည်။

ထိုစုပေါင်းသွေးလှူဒါန်းပွဲတွင် စေတနာလုပ်အားရှင် (၂၅)ဦးကလည်း စိတ်အားထက်သန်စွာဖြင့် ဝိုင်းဝန်းကူညီလုပ်အားပေးခဲ့ကြပါသည်။ ဆရာ၊ ဆရာမများ၊ ကျောင်းသား၊ ကျောင်းသူများ နှင့် ဝန်ထမ်းများ၏ တတိယအကြိမ်မြောက် စုပေါင်းသွေးလှူဒါန်းပွဲသည် မွန်းလွဲ (၁၃း၃၀) နာရီအချိန်တွင် အောင်မြင်စွာ ပြီးမြောက်ခဲ့ပါသည်။

 

 

ကြက်ခြေနီအသင်း၊ အမျိုးသားစီမံခန့်ခွဲမှုပညာဒီဂရီကောလိပ်

Share this post