ကြေညာချက်များ

ယုဇနဆောင်

ယုဇနဆောင်သည် အမျိုးသားစီမံခန့်ခွဲမှုပညာဒီဂရီကောလိပ်လက်အောက်တွင်ရှိသောကျောင်းသူ အဆောင်ဖြစ်ပြီး (၅၅)လမ်း နှင့် ကုန်သည်လမ်းထောင့်တွင်တည်ရှိသည်။ ယခင်က ကျောင်းသူများကို စမ်းချောင်းမြို့နယ် ယုဝတီအဆောင်တွင် ထားရှိသော်လည်းယခုအခါ တတိယနှစ်နှင့် စတုတ္ထနှစ် ကျောင်းသူများကို(EPP major မှလွဲ၍) ယုဇနအဆောင်တွင် ပြောင်းရွှေ့ထားရှိသည် ။ ယုဇနအဆောင်ကို ဒီဇင်ဘာလ ၁ရက် ၂၀၁၇ တွင် ဖွင့်လှစ်ခဲ့ပြီး အဆောင်သူများအား စတင်နေထိုင်ခွင့်ပြုခဲ့သည်။ အထပ်အမြင့် ၅ လွှာရှိပြီး အခန်းပေါင်း(၈၄) ခန်း ရှိသည်။ လက်ရှိနေထိုင်သော အဆောင်သူဦးရေ (၇၅ ဦး) ရှိပြီး ဆရာမဦးရေ (၇ဦး) နေထိုင်သည်။ အဆောင်မှူးမှာ ဒေါက်တာသင်းသင်းမြင့် (ပါမောက္ခဌာနမှူး) ဖြစ်ပြီး အဆောင်စည်ပင်သာယာရေးအတွက် စနစ်တကျ စီမံခန့်ခွဲကြီးကြပ်လျက်ရှိသည်။

အဆောင်သူများသည် အဆောင်၏ သတ်မှတ်ထားသော စည်းကမ်းများနှင့်အညီ နေထိုင်ကြပြီး အဆောင်ဖွံ့ဖြိုးတိုးတက်ရေးအတွက် အားတက်သရောပါဝင်ကူညီကြသည်။ ပထမဦးစွာ အဆောင်ဖွင့်ပွဲအနေဖြင့် ဘုရားအနေကဇာတင်ပွဲကျင်းပခဲ့သည်။အဆောင်စိမ်းလန်းစိုပြည်ရေးအတွက် သစ်ပင်ပန်းပင်များစိုက်ပျိုးခဲ့သည်။ အဆောင်တွင်းဘေးအန္တရာယ်ကင်းရှင်းရေးအတွက် ပရိတ်ပဌာန်းများကို အဆောင်မှူးနှင့်တကွ အဆောင်သူများ က နေ့စဉ်ရွတ်ဖတ်ပူဇော်ကြသည်။ အဆောင်စည်းမျဉ်းများနှင့် အဆောင်လိုအပ်ချက်များအား တစ်ပတ်တစ်ကြိမ်ခန့် အဆောင်မှူးမှ ရှင်းလင်းပြောကြားသည်။မကြာသေးမီက ပြုလုပ်ခဲ့သော အမျိုသားသွေးလှူဒါန်းပွဲတွင်လည်း ယုဇနအဆောင်မှ ခေါင်းအုံးများလှူဒါန်းခဲ့သည်။ ဖေဖော်ဝါရီလ ၈ ရက်နေ့တွင်ကျင်းပမည့် တိုင်းရင်းသားရိုးရာ အစားအစာရောင်းပွဲတွင်လည်း  ယုဇနအဆောင်မှ လက်ဖက်သုတ်ရောင်းချကာ ပါဝင်ဆင်နွှဲမည်ဖြစ်သည်။ ယုဇနအဆောင်၏ သိလိုရာရာများကိုFacebook page(Yuzana hostel) တွင်လည်း ဝင်ရောက်ကြည့်ရှုနိုင်ပါသည်။

အဆောင်မှူးနှင့် ဆရာမများ

ယုဇနအဆောင်၏ အရှေ့မျက်နှာစာ

အဆောင်၏ ဘေးမျက်နှာစာ

အခန်းဖွဲ့စည်းထားပုံ အခြေအနေ

ယုဇနအဆောင်သူများ၏ အခန်းအဆောင်

ထမင်းစားခန်း နှင့် အဆောင်မှ အစားအစာများ

Roll call ခေါ် ပြီးနောက် အဆောင်မှူးမှ လိုအပ်သည်များအားရှင်းလင်းပြောကြားစဉ်

ဘုရားဝတ်ပြုခန်း နှင့် အဆောင်သူများ ညစဉ်ဘုရားရှိခိုးကြပုံ

Share this post